تنهجلي ياقصيد الشاعر البلبل
واستطربي كل هايم في معاناته
وبادلي كل خاطر ..فيج متهبّل
باْعذب حروف الشعر..واحلا كتاباته
هيهات ياهاجسي لا صرت متعبّل
على قضيّه..تزيد القلب وناته
قضيّه ((القرض)) ياللي بالكدر تقبل
على المسيكين لي تجبرة حالاته
صحيح .. يفرح بها ساعات ويطبّل
ويحسّ بانـّه (ملك) ياسهل غاياته
مع البدايات مايتقبّل الـ OPEL
ياكودة الرنج يشبع جلّ رغباته
لكن عقب الفرح والهيص والطمبل
تلقاة ياصاح متبهدل بفعلاته
ويعّرف انـّه بعدّها صار متغربل
يحسّ فيها .. ليا من هلّ دمعاته
وش فايدة .. يومه المسكين متكبّل
باْغلال قيد القروض النادر افلاته
سنين عمرة..يشاهد وردها يذبل
لكنّ ماله شفيعن .. غير عبراته
والفايدة.. عام عقب العام به تدّبل
لا صار وسط الشّبك..ياصعب منجاته
سهران ليله..وحاله حال متخبّل
ويله على حاله اللي تصّخب انّاته
ياكثر ما نلّحظه..يدعي ومتقبّل
عسى ان ربّي..يفرّج همّ مأساته
خمسه من الشهر ماتلقى معه روّبل
القهر في خاطرة.. ينـّدهه بصواته
ياكيف لو كان للضيفان يستقبل
والا معرّس..ولا به شيّ يقتاته
والله..ماودّة الا الموت له يقبل
يجتثّ نفسه..ولا قهّرة وشماته
ياكبرها.. يوم طفلك فيك متهبّل
يطلبك لو شي ترضي فيه مشهاته
وانته ولا تملك الا الدمع متسبّل
من مقلتينك .. ولا تعطيه رغباته
تدري..! لو الحزن داخل جايزة نوبل
ماغيرة المقترض ..ينجح بويلاته
ياسامع القول يكفي بس تستقبل
حاذر من الضار.. واتحاشا ملاقاته
وابعد عن (( القرض )) واحفظ عجزي المقبل
(( مكحّل العين يعميها بغلطاته ))
محمد علوي عبدالله
تحيات خوكم ملك القوافي__بوظبي
أرسل تعليقك على القصيدة للشاعر طباعة لإخطارنا بخطأ في النص
أرسل القصيدة الى صديق
اسمك
بريدك
اسم صديقك
بريد صديقك
كلمة الاهداء
موضوع: القرود 
السبت سبتمبر 26, 2009 2:24 pm
