منتديات أحلي عشاق
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 اذا لك شف في شوفي .. تراني

اذهب الى الأسفل 
كاتب الموضوعرسالة
ابو حسني



المساهمات : 4
تاريخ التسجيل : 27/09/2009

مُساهمةموضوع: اذا لك شف في شوفي .. تراني   الجمعة أكتوبر 02, 2009 5:45 am

أحبتي

آحتفل الآن بهآ

رصآصة الرحمة }
{ آزرعوهآ في قلوبكم

اذا لك شف في شوفي .. تراني
على شوفتك .. صحيت الأماني

زرعت الشوق كله بأنتظارك
و أخذت الأنتظار .. و جيت عاني

نسيت الناس لكن .. ما نسيتك
عجزت أنساك حتى لو ثواني

مليت الكون .. و أشغلت الجوارح
نظر عيني .. سماع أذني .. لساني

عطيتك شيء ما هو عند غيرك
و لا قصرت .. لكنك أناني

انا أحبك .. و اذا ودك تأكد
شف الله كيف بيدينك هداني

غيابك صعب و الأصعب وجودك
و انا فالحالتين أتعب و أعاني

حبيبي لا تواخذني .. و لكن
أبيك تحط نفسك في مكاني

اذا جيتك و انا مشتاق تقفي
تجاهلني و كنّك ما تراني

و اذا صديت عنك و قلت أبرحل
وقف قلبك على الباب و دعاني

و لو سويت نفسي ما اشوفك
يميل القلب صوبك و يحداني

أنا يا ابن الحلال أصعب حكايه
كتبني الوقت .. لكن ما قراني

مضى عمري و تقدر تعتبرني
غريب .. و في زمن ماهو زماني

زماني راح مع نصفي .. و نصفي
نسى نفسه مع الوقت و نساني

أسافر حزن .. و الصحبه ثلاثه
أنا .. و الصبر .. و سهيل اليماني

و اذا مريت في بلاد الطفوله
فتحت الصدر للحزن و طواني

هنا .. دمعه جرت من عين جاهل
هنا .. لاقيت همي و التقاني

هنا .. باعتني الديره و أهلها
هنا .. ضحيت لفلان و جفاني

هنا .. حاولت أصيح و ما سمعني
سوى بعض الشوارع و المباني

انا يا سيدي .. دقه قديمه

بغيت أخذ من الوقت .. و خذاني

على الأنقاض واقف دون حيله
أشوفك وجهتي بين المواني

تعاال .. و طفّ بيدينك حنيني
تملكني .. و أنا أشعل لك حناني

تعال .. و ضمني يا تاج قلبي
دخيلك لا تخليني .. عشاني

انا شاعر عيونك يا حبيبي
مع التحريف في بعض المعاني

و ما نيل المطالب بالتمني
و لكن شوفتك كل الأماني

محبة صادق النيه .. قصايد
و محبة ساقط النيه .. أغاني

قسم بالله لو موتي بيدك
و أموت الفين مره .. ما كفاني

و أذا باقي من الطلقات .. طلقه
دخيلك.. حطها بين المحاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المدير العام
Admin
avatar

المساهمات : 221
تاريخ التسجيل : 26/09/2009
العمر : 25

مُساهمةموضوع: رد: اذا لك شف في شوفي .. تراني   الجمعة أكتوبر 02, 2009 5:52 am

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rassha.yoo7.com
ابو سميح
شبابي نشيط
avatar

المساهمات : 223
تاريخ التسجيل : 26/09/2009
الموقع : منتديات أحلي عشاق

مُساهمةموضوع: رد: اذا لك شف في شوفي .. تراني   الجمعة أكتوبر 02, 2009 6:03 am

مشكور ويعطيك الف الف الف عافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اذا لك شف في شوفي .. تراني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
rassha.yoo7.com :: منتديات أدبية و شعرية :: شعر و شعراء-
انتقل الى: